საქართველო ყოველწლიურ შავი ზღვისა და კასპიის ზღვის რეგიონების ქვეყნების უსაფრთხოების მე-10 სიმპოზიუმს მასპინძლობს. დღეს სასტუმრო „რადისონ ბლუ ივერიაში“ საქართველოს თავდაცვის მინისტრმა თინათინ ხიდაშელმა სიმპოზიუმი ოფიციალურად გახსნა. ღონისძიებას გენერალური შტაბის უფროსის მოადგილე, პოლკოვნიკი რომან ჯოხაძე, სსიპ კიბერუსაფრთხოების ბიუროს დირექტორი ანდრია გოცირიძე და უწყების სხვა წარმომადგენლები ესწრებიან.
საქართველოს თავდაცვის სამინისტროსა და აშშ-ის ევროპული სარდლობის დაზვერვის ორგანიზებით მიმდინარე სიმპოზიუმში შავი და კასპიის ზღვების რეგიონების ქვეყნების სამხედრო დაზვერვის ხელმძღვანელი პირები, სამხედრო ატაშეები და ექსპერტები მონაწილეობენ.
სიმპოზიუმის მონაწილეებს საქართველოს შეიარაღებული ძალების გენერალური შტაბის სამხედრო დაზვერვის დეპარტამენტის უფროსმა თეიმურაზ სოხაძემ სიტყვით მიმართა.
მონაწილეები ორი დღის განმავლობაში ისეთ მნიშვნელოვან საკითხებს განიხილავენ, როგორიცაა რეგიონული უსაფრთხოება, არსებული გამოწვევები და სხვა მნიშვნელოვანი საკითხები.
ყოველწლიური სიმპოზიუმი შავი და კასპიის ზღვების რეგიონების ქვეყნების სამხედრო დაზვერვის სამსახურების დაახლოებას და რეგიონული უსაფრთხოების საკითხების ირგვლივ კონსოლიდირებას ისახავს მიზნად.
სიმპოზიუმი 2006 წელს დაარსდა, რომელიც პირველად ქალაქ ვაშინგტონში ჩატარდა. საქართველოში ფორუმი წელს უკვე მესამედ იმართება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.