საუდის არაბეთის მეფე სალმანმა მასობრივი საკადრო წმენდა განახორციელა. მან მისი უმაღლესი რანგის ოფიციალური სამხედრო პირები, მათ შორის ადმინისტრაციის ხელმძღვანელი, სამსახურებიდან დაითხოვა. მეფემ სახმელთო და საჰაერო ძალების მეთაურებიც შეცვალა.
როგორც BBC იუწყება, აღნიშნული ბრძანებულებები საუდის არაბეთის ოფიციალურ საინფორმაციო სააგენტოში გამოქვეყნდა, მაგრამ დათხოვნის მიზეზები არ დასახელებულა.
საუდის არაბეთი იემენის ომში კოალიციას ხელმძღვანელობს, რომელიც მეამბოხეებთან აწარმოებს ბრძოლებს და ეს ომი უკვე თითქმის სამი წელია რაც გრძელდება.
როგორც BBC წერს, საუდის არაბეთში ბოლო დროს განვითარებული მოვლენების, მათ შორის 2017 წლის ნოემბრის დასაწყისში ათეულობით ცნობილი საუდელი პირის: პრინცების, მინისტრების და მილიარდერების კორუფციული საქმეების და ძალაუფლების ბოროტად გამოყენების გამო განხორციელებული დაპატიმრებების უკან, დიდი ალბათობით ტახტის მემკვიდრე პრინცი მუჰამედ ბინ სალმანი დგას, რომელიც ასევე თავდაცვის მინისტრიცაა.
საუდის არაბეთის გენერალურმა პროკურორმა 201 პირის, მათ შორის პრინცების და მინისტრების დაპატიმრების შემდეგ განაცხადა, რომ კორუფციის გზით 100 მილიარდი აშშ დოლარია მითვისებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.