მესამე პირი გარდაიცვალა ავსტრალიაში ლისტერიის ბაქტერიით ინფიცირებული ნესვის ჭამის შემდეგ. როგორც BBC იუწყება, შტატ New South Wales -ის ფერმაში მოყვანილ ნესვში არსებული ბაქტერიის შედეგად 15 ხანდაზმულია ინფიცირებული.

ავსტრალიის ჯანდაცვის სამსახურმა გამაფრთხილებელი განცხადება გაავრცელა, რომელშიც აღნიშნულია, რომ ხანდაზმულები, ორსულები და ჩვილი ბავშვები უნდა მოერიდონ ნესვს, რომელიც უკვე გაჭრილ მდგომარეობაშია.

„ლისტერიოზისადმი მოწყვლადმა ადამიანებმა უნდა გადააგდონ ნებისმიერი ნესვი, რომელიც 1-ელ მარტამდე აქვთ შეძენილი“, განაცხადა ჯანდაცვის სამსახურის წარმომადგენელმა ვიკი შეფერდმა.

დაავადების აფეთქების გამო, რომელიც იანვარში დაიწყო, ავსტრალიის სუპერმარკეტებმა ნესვის გაყიდვა შეაჩერეს.