სირიის აფრინის რეგიონში გასული დღე-ღამის განმავლობაში 59 თურქი სამხედრო პირი და მებრძოლია მოკლული. ინფორმაციას „რია ნოვოსტი“, ძირითადად ქურთებისაგან შემდგარი „სირიული დემოკრატიული ძალების“ განცხადებაზე დაყრდნობით ავრცელებს.

გარდა ამისა, ქურთების მტკიცებით, თურქული მხარიდან ათეულობით ადამიანია დაჭრილი, განადგურებულია რამდენიმე ერთეული ტექნიკა.

უფრო ადრე გავრცელებული ინფორმაციის თანახმად, კი სირიის პრო-სამთავრობო ჯარების სულ მცირე 36 წარმომადგენელი იქნა მოკლული თურქული საჰაერო დარტყმების შედეგად აფრინის რეგიონში, სადაც თურქეთმა სამხედრო ოპერაცია, მეტსახელად „ზეთისხილის რტო“ მიმდინარე წლის 20 იანვარს წამოიწყო იმ მიზნით, რომ ტერიტორიიდან „ქურთი ტერორისტები“, ანკარას აზრით, „ქურთ მუშათა პარტიის“ გაგრძელებად მიჩნეული სამხედრო დაჯგუფება, განდევნონ.