საინფორმაციო ცენტრმა ნატოსა და ევროკავშირის შესახებ“, საინფორმაციო კამპანიის ფარგლებში წყალტუბოს მუნიციპალიტეტის მერიის სამსახურებთან, ა(ა)იპ.-ების წარმომადგენლებთან შეხვედრა გაიმართა.

შეხვედრაზე არასამთავრობო ორგანიზაცია „სიდას“ იურისტებმა იმ გამოწვევებზე ისაუბრეს, რომლის წინაშეც დღეს დგას საქართველო. მათი ინფორმაციით, 2017 წლის 28 მარტიდან დღემდე უვიზო რეჟიმით საქართველოს მოქალაქეებმა 240000-ჯერ ისარგებლეს.

„საქართველოს ვიზა-ლიბერალიზაციის კუთხით საფრთხე არ ემუქრება, წესების დარღვევის შემთხვევაში დადგება მხოლოდ მიმოსვლის შეჩერების საკითხი. მთავარია რომ მოქალაქეებმა აირჩიონ კანონიერი გზა ევროპის ქვეყნებში გასამგზავრებლად. მიმდინარეობს ინტენსიური კონკულტაციები ევროკავშირის (შენგენის) ზონის ქვეყნებთან საქართველოს უსაფრთხო ქვეყნად აღიარების და საქართველოდან თავშესაფრის განცხადების განხილვის პროცედურის გამარტივებისა და ვადების შემცირების შესახებ. ასევე ერთობლივი თანამშრომლობა კრიმინალთან ბრძოლაში“, აღნიშნა „სიდას“ წარმომადგენელმა, ზვიად დევდარიანმა.

„მსხგავსი ტიპის შეხვედრები აუციელბელია, რადგან ჩვენ ვართ ინფორმაციის გამტარი რგოლი მოსახლეობასა და საგარეო სამინისტროს შორის. ჩვენ უნდა მივაწოდოთ მოსახლეობას ყველა ინფორმაცია სიახლეების შესახებ, ამისთვის ჩვენ უნდა შესაძლებლობა იმისა რომ ასეთი შეხვედრები ჩატარდეს", განაცხადა წყალტუბოს მუნიციპალიტეტის მერმა, გრიგოლ იოსელიანმა.

შეხვედრა საქართველოს საგარეო საქმეთა სამინისტროს MFA of Georgia-ს და ნატოსა და ევრკავშირის შესახებ საინფორმაციო ცენტრის ორგანიზებით და მიგრაციის პოლიტიკის განვითარების საერთაშორისო ცენტრის (ICMPO) მხარდჭერით განხორციელდა.

ნატოსა და ევროკავშირის შესახებ საინფორმაციო ცენტრის წარმომადგენელის იმერეთის რეგიონში მარიკა ვაჭარაძის ინფორმაციით, კამპანიის ფარგლებში იმერეთის 12 -ივე მუნიციპალიტეტში ანალოგიური შეხვედრები გაიმართება.

ინფორმაციას წყალტუბოს მერიის პრესსამსახური ავრცელებს.