შვედეთის თავდაცვის მინისტრი მეოთხე მექანიზებულ ბრიგადას ესტუმრა. ტოტალური თავდაცვის მიმართულებით გამოცდილების გაზიარება, ერთობლივი სწავლებები, სავალდებულო სამხედრო სამსახური, რეზერვის ახალი კონცეფცია - ეს ის საკითხებია, რომელზეც შვედეთის თავდაცვის მინისტრმა ვაზიანის სამხედრო ბაზაზე სტუმრობისას, ყურადღება გაამახვილა და საქართველოს მხარდაჭერა აღუთქვა. შვედეთის თავდაცვის მინისტრმა საქართველოში სავალდებულო სამხედრო სამსახურის აღდგენისა და ახალი სარეზერვო სამსახურის შემოღების გამო კმაყოფილება გამოთქვა. საქართვგელოსა და შვედეთის თავდაცვის მინისტრებმა ორი ქვეყნის სტრატეგიულ ხედვაში არსებულ მსგავსებებზე გაამახვილეს ყურადრება და ამ მიმართულებით აქტიური თანამშრომლობის მზადყოფნა გამოთქვეს. საქართველოს თავდაცვის მინისტრის განცხადებით წვევამდელთა დიდი ნაწილი სურვილს გამოთქვამს სავალდებულო სამხედრო სამსახურის დასრულების შემდეგ საქმიანობა პროფესიულ არმიაში გააგრძელოს.
პიტერ ჰულტქვისტი ვაზიანში საქართველოს თავდაცვის მინისტრთან, ლევან იზორიასთან და გენერალური შტაბის უფროსთან, გენერალ-მაიორ ვლადიმერ ჩაჩიბაიასთან ერთად იმყოფებოდა. ორი ქვეყნის თავდაცვის მინისტრები ბრიგადის ოფიცრებსა და სერჟანტებს პირადად გაესაუბრნენ, გაწეული სამსახურისთვის მათ მადლობა გადაუხადეს და წარმატებები უსურვეს. შვედეთის თავდაცვის მინისტრის საქართველოში ვიზიტის ფარგლებში ცნობილი გახდა, რომ შვედეთი 2019 წელს “ნატო-საქართველოს სწავლებაში” ჩაერთვება.
ჯარისკაცებთან გასაუბრების შემდეგ, მეოთხე მექანიზებული ბრიგადის ხელმძღვანელობამ შვედეთის დელეგაციას ბრიგადის ისტორიისა და საქმიანობის შესახებ პრეზენტაცია წარუდგინა და მომავლის გეგმები გააცნო.
სტუმრებმა მეოთხე მექანიზებული ბრიგადის ბაზაზე შეიარაღებაც დაათვალიერეს. შვედეთის თავდაცვის მინისტრი საქართველოში ორდღიანი ოფიციალური ვიზიტით იმყოფება. მას ქართველი კოლეგა, ლევან იზორია მასპინძლობს.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.