საქართველოში ოფიციალურ ვიზიტად მყოფი ალბანეთის გენერალური შტაბის უფროსი კრწანისში, ნატო-საქართველოს წვრთნებისა და შეფასების ერთობლივ ცენტრს (JTEC) ესტუმრა. ბრიგადის გენერალ ბარდილ კოლჩაკუს მასპინძლობა შეიარაღებული ძალების გენერალური შტაბის J-5 სტრატეგიული დაგეგმვის დეპარტამენტის უფროსმა, პოლკოვნიკმა მამუკა შიუკაშვილმა, JTEC-ის მეთაურმა, პოლკოვნიკმა გრიგოლ ჭელიძემ და ეროვნული სასწავლო ცენტრ „კრწანისის“ მეთაურმა, ვიცე-პოლკოვნიკმა დავით გაგუამ გაუწიეს.
პოლკოვნიკმა გრიგოლ ჭელიძემ სტუმრებისთვის ცენტრის საქმიანობის, მიზნებისა და ამოცანების შესახებ საინფორმაციო ბრიფინგი გამართა და სამომავლო გეგმებთან დაკავშირებით დეტალური ინფორმაცია მიაწოდა.
ალბანეთის შეიარაღებული ძალების გენერალური შტაბის უფროსი საქართველოში ორდღიანი ოფიციალური ვიზიტით იმყოფება. ვიზიტის ფარგლებში გენერალმა ბარდილ კოლჩაკუმ ქართველ კოლეგასთან შეხვედრა უკვე გამართა.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.