თვითმფრინავი ჩამოვარდა დაშვებისას ნეპალის დედაქალაქის კატმანდუს საერთაშორისო აეროპორტში, იუწყება BBC ადგილობრივ ხელისუფლებაზე დაყრდნობით.

„Kathmandu Post“-ის ცნობით, ბანგლადეშის ავიახაზების, "US-Bangla"-ს კუთვნილი თვითმფრინავი ტრიბჰუვანის საერთაშორისო აეროპორტის აღმოსავლეთ ნაწილის ასაფრენ-დასაფრენ ბილიკზე ჩამოვარდა.

აეროპორტის წარმომადგენელმა გაზეთთან საუბრისას განაცხადა, რომ სავარაუდოდ, არის მსხვერპლი. 

როგორც ოფიციოზმა BBC-ს განუცხადა, თვითმფრინავის ბორტზე ფიქრობენ, რომ 67 ადამიანი იმყოფებოდა, მათგან, პოლიციის ცნობით, რამდენიმე ადამიანმა დაზიანებები მიიღო.

სოციალურ მედიაში გამოქვეყნებულ ფოტოებსა და ვიდეოებში ჩანს, თუ როგორ ამოდის კვამლი აეროპორტის ასაფრენ-დასაფრენი ბილიკიდან.