ხარაგაულის მუნიციპალიტეტის მერმა, ნიკოლოზ თოფურიძემ სოფელ ვარძიაში მრავალშვილიანი ოჯახი მოინახულა.

ხარაგაულის მერიის პრესსამსახურის ცნობით, ვარძიის ადმინისტრაციულ ერთეულში, მერის წარმომადგენლის, მზექალა გლუნჩაძის ინიციატივითა და შუამდგომლობით, ჯანდაცვისა და სოციალური დაცვის სამინისტროს პროგრამის „ბავშვთა სოფელი“ ფარგლებში, ოჯახს საჩუქრად ავეჯი გადაეცა.

„პირველ ეტაპზე, ორი არასრულწლოვანისთვის საწერი მაგიდები, კომოდები და სკამები გამოიგზავნა, მომავალში კი, ამავე პროექტით ოჯახს ტელევიზორი და კომპიუტერები გადაეცემა.

ხარაგაულის მერი ოჯახის წევრებს, რომლებიც მეხუთე შვილს ელოდებიან, გაესაუბრა და შესაძლებლობის ფარგლებში ოჯახს თანადგომა და დახმარება აღუთქვა", აღნიშნულია ხარაგაულის მერიის პრესსამსახურის ინფორმაციაში.