გარდაბნის მუნიციპალიტეტის სოფელ გამარჯვების კულტურის სახლში ანსამბლ „თორდას“ 5 წლის საიუბილეო კონცერტი გაიმართა. კონცერტს ამავე ანსამბლის ხემძღვანელი, მომღერალი თამარ ალადაშვილი უძღვებოდა.

ღონისძიებაში, რომელიც ა(ა)იპ გარდაბნის მუნიციპალიტეტის კულტურის ცენტრის ორგანიზებითა და გარდაბნის მუნიციპალიტეტის მერიის მხარდაჭერით გაიმართა, „თორდას“ გარდა, ანსამბლები „ვარძია“ და „არგანი“ მონაწილეობდნენ.

„აღსანიშნავია, რომ ამ დღეს ჯგუფი „არგანის“ დებიუტი შედგა, რომელიც ანსამბლ „თორდას“ ბაზაზე ცოტა ხნის წინ შეიქმნა. ჯგუფ „არგანში“ სოფელ გამარჯვების მკვიდრი, გამორჩეულად ნიჭიერი მოზარდები მღერიან.

ღონისძიებას დაესწრნენ სოფელ გამარჯვების მაჟორიტარი დეპუტატი ზურაბ ჩიტაძე და მერის წარმომადგენელი სოფელ გამარჯვებაში გიორგი მახათაძე", ნათქვამია გარდაბნის მერიის პრესსამსახურის ინფორმაციაში.