ნატოს გენერალურმა მდივანმა, იენს სტოლტენბერგმა ხუთშაბათს გაკეთებულ ყოველწლიურ ანგარიშში რუსეთის ქცევის უგუნურ მომენტებზე გააკეთა აქცენტი, რომელთა შორისაც, მისი აზრით, არის „ყირიმის არაკანონიერი ანექსია და სამხედრო მხარდაჭერა სეპარატისტებისათვის აღმოსავლეთ უკრაინაში; სამხედრო ძალებით ყოფნა მოლდოვასა და საქართველოში, ამ ქვეყნების ნება-სურვილის წინააღმდეგ; მონტენეგროსა და დასავლეთ ბალკანეთის ხვა ნაწილებში ჩარევა და სამხედრო მშენებლობის გაძლიერება ევროპის ჩრდილოეთიდან ახლო აღმოსავლეთამდე“.

მან ასევე გამაფრთხილებლად განაცხადა, რომ ბირთვულ და ტრადიციულ ომს შორის „ზღვარის ბუნდოვანება“ „რუსეთის მიერ ბირთვული იარაღის გამოყენების ზღურბლის სიდიდეს ამცირებს“.

სტოლტენბერგმა ახსნა, რომ ნატოს მიდგომა რუსეთის მიმართ „რჩება მყარი, თავდაცვითი და თანაზომიერი“. მან ასევე განაცხადა, რომ ალიანსი განაგრძობს ძალისხმევას რუსეთთან მრავალმნიშვნელოვანი დიალოგის თაობაზე, რომელიც „რთულია“, მაგრამ ამავე დროს „არსებითია გამჭვირვალობის გასაზრდელად და რისკის შესამცირებლად“.