საქართველოს შეიარაღებული ძალების ეროვნულ გვარდიაში წვევამდელებმა დღეს სამხედრო ფიცი დადეს. დღეიდან სამხედრო მოსამსახურეები ეროვნული გვარდიის სხვადასხვა ქვედანაყოფში გადანაწილდებიან და ცხრა თვის განმავლობაში იმსახურებენ.
თავდაცვის სამინისტროს ცნობით, ფიცის დადებამდე რეკრუტებმა საწყისი საბრძოლო მომზადების (BCT) ისეთივე კურსი გაიარეს, როგორსაც საკონტრაქტო სამხედრო მოსამსახურეები გადიან. სწავლება სამი თვის განმავლობაში მიმდინარეობდა და წვევამდელებმა ამ ხნის განმავლობაში ტაქტიკური, კავშირგაბმულობის, სამედიცინო, საცეცხლე და სამწყობრო მომზადებასთან დაკავშირებული ცოდნა შეიძინეს. სავალდებულო სამხედრო სამსახურის რეფორმირების პირველი ეტაპის დასრულების შემდეგ, თავდაცვის სამინისტროს წვევამდელებს უქმე დღეების გამოყენების შესაძლებლობა აქვთ.
სამხედრო მოსამსახურეებს სააქართველოს შეიარაღებულ ძალებში გაწევრიანება გენერალური შტაბის უფროსის მოადგილემ, ბრიგადის გენერალმა შალვა ჯაბახიძემ და ეროვნული გვარდიის მეთაურმა, პოლკოვნიკმა ირაკლი ჭუმბურიძემ მიულოცეს და სამშობლოს წინაშე ღირსეული სამსახური უსურვეს.
საზეიმო ცერემონიალზე საქართველოს სახელმწიფო ჰიმნი შესრულდა. ახალწვეულებმა საბრძოლო მოქმედებებსა და საერთაშორისო მისიებში დაღუპული სამხედრო მოსამსახურეების ხსოვნას წუთიერი დუმილით პატივი მიაგეს. ფიცის დადების ცერემონიალის შემდეგ პირადი შემადგენლობა მამა მიქაელმა დალოცა. ღონისძიების ბოლოს კი, საბავშვო ანსამბლმა „შავნაბადამ“ მოწვეული სტუმრებისთვის ქორეოგრაფიული ნომრები შეასრულა.
დღესვე, 12-თვიანი სავალდებულო სამხედრო სამსახური გვარდიის 20-მა სამხედრო მოსამსახურემ დაასრულა.
ღონისძიებას საქართველოს შეიარაღებული ძალების წარმომადგენლები და სამხედრო მოსამსახურეების ოჯახის წევრები დაესწრნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.