გარდაბნის საკრებულოს თავმჯდომარე ტარიელ ჯანხოთელი 2017 წლის 21 ოქტომბრის ადგილობრივი თვითმმართველობის არჩევნების შედეგად მუნიციპალიტეტის სათავეში მოსული „ქართული ოცნების“ ახლადჩამოყალიბებული გუნდის მიერ განვლილ 100-დღიან საქმიანობას აჯამებს და დეტალურად აღწერს იმ პრიორიტეტებს, რაც ადგილობრივმა ხელისუფლებამ ამ ხნის განმავლობაში დასახა და ნაწილობრივ განახორციელა კიდეც.

„27 თებერვალს 100 დღე გავიდა მას შემდეგ, რაც ახლადარჩეულმა საკრებულომ მუშაობა დაიწყო. მარტივად შემეძლო მშრალი ციფრების დაწერა, თუ რა გავაკეთეთ ამ ხნის განმავლობაში, თუმცა მინდა მოგმართოთ ყველას, გარდაბნის თითოეულ მაცხოვრებელს, როგორც ჩვენს ამომრჩეველსა და როგორც მეგობრებს. არ აქვს მნიშვნელობა, კონკრეტულად ვინ ვის მისცა ხმა არჩევნებში, ფაქტია, რომ გაიმარჯვა გუნდმა, რომელსაც სახელმწიფოებრიობის უკეთესი ხედვა აქვს. რაც შეეხება უშუალოდ ციფრებს. მიხარია, რომ ცენტრალური ხელისუფლებისა და ჩვენი, თვითმმართველი ერთეულების ხელმძღვანელი პირების აზრი ერთმანეთთან თანხვედრაშია. ჩვენი პრიორიტეტი ინფრასტრუქტურა, განათლება, სპორტი და რაღა თქმა უნდა სოციალური პროგრამებია. შესაბამისად, მუნიციპალიტეტის ბიუჯეტის უდიდესი ნაწილი სწორედ ამ სფეროებზე მივმართეთ.

თავდაცვა, საზოგადოებრივი წესრიგი და უსაფრთხოება - 43.2 ათასი ლარი;

ინფრასტრუქტურის მშენებლობა, რეაბილიტაცია და ექსპლუატაცია - 4,922.6 ათასი ლარი;

განათლება - 1,077.9 ათასი ლარი;

კულტურა, რელიგია, ახალგაზრდული და სპორტული ღონისძიებები - 408.0 ათასი ლარი;

მოსახლეობის ჯანმრთელობის დაცვა და სოციალური უზრუნველყოფა - 641.8 ათასი ლარი. და ეს ყველაფერი არაა. ამ ასი დღის განმავლობაში უკვე მოვახერხეთ და თანხები უკვე დავხარჯეთ შემდეგი მიმართულებით:

ავადმყოფთა სოციალური დაცვა - 283.4 ათასი ლარი;

ჯანმრთელობისა და სოციალური რეაბილიტაციის ცენტრის დაფინანსება - 10.4 ათასი ლარი;

ერთჯერადი მატერიალური დახმარება - 44.7 ათასი ლარი;

მიცვალებულთა სარიტუალო მომსახურება - 0.8 ათასი ლარი;

დიალიზზე დამოკიდებული მოქალაქეების დაფინანსება - 19.7 ათასი ლარი;

C ჰეპატიტით დაავადებულ პირთა დახმარება - 4.1 ათასი ლარი;

დედ-მამით ობოლი 18 წლამდე ასაკის ბავშვების დახმარება - 6.5 ათასი ლარი;

უსახლკაროდ დარჩენილთა და სტიქიური უბედურების შედეგად დაზარალებულ პირთა დახმარება - 2.6 ათასი ლარი;

ვეტერანთა და ომში დაღუპულ მეომართა ოჯახების სოციალური დახმარება - 10.7 ათასი ლარი;

ხანდაზმულებისა და შშმ პირების სოციალური დაცვა - 38.3 ათასი ლარი;

სახელმწიფო მზრუნველობიდან ბიოლოგიურ ოჯახში რეინტეგრირებულ ბავშვთა დახმარების პროგრამა - 2.5 ათასი ლარი;

სპორტსმენებისა და სტუდენტების მატერიალური დახმარება - 0.7 ათასი ლარი.

ცენტრალურ ხელისუფლებასთან აქტიური თანამშრომლობით, მოლაპარაკება მიმდინარეობს რამდენიმე გრანდიოზულ ინფრასტრუქტურულ პროექტზე, რომელიც გარდაბნელებისთვის ცხოვრებას უფრო საინტერესოსა და მოქნილს გახდის. საბედნიეროდ, იმ გუნდთან, რომელსაც მე წარმოვადგენ, მოსახლეობას აქტიური კომუნიკაცია აქვს და არანაირ პრობლემას არ წარმოადგენს როგორც საკრებულოს თავმჯდომარესთან და მოადგილესთან შეხვედრა, ისე ფრაქციებისა და კომისიების ხელმძღვანელებთან შეხვედრები. პარალელურად, თქვენს მიერ ტერიტორიულ ერთეულებში არჩეული დეპუტატები მაქსიმალურად გვაწვდიან ინფორმაციას სოფლებში არსებულ პრობლემებზე და გპირდებით, რომ თითოეული სოფლის პრობლემა შესაძლებლობის ფარგლებში გათვალისწინებული და მოგვარებული იქნება“, აცხადებს ტარიელ ჯანხოთელი და კიდევ ერთხელ მადლობას უცხადებს ამომრჩეველს ნდობისა და გვერდით დგომისათვის.

„ქართული ოცნება“ როგორც ადგილობრივ, ისე მთელი ქვეყნის დონეზე, თქვენს იმედებს არ გააცრუებს“, პირობას იძლევა გარდაბნის მუნიციპალიტეტის საკრებულოს თავმჯდომარე.