"დიპლომატიური ტურის" მონაწილეებმა საოკუპაციო ხაზთან მდებარე სოფელი ხურვალეთი მოინახულეს. საქართველოში აკრედიტებულ ელჩებთან ერთად საოკუპაციო ხაზზე საქართველოს საგარეო საქმეთა მინისტრი, თამარ ბერუჩაშვილი და სამინისტროს ხელმძღვანელობა იმყოფებოდა.
აღსანიშნავია, რომ საქართველოში აკრედიტებული არარეზიდენტი ელჩები საოკუპაციო ხაზს პირველად ეწვივნენ და ადგილზე გაეცნენ მავთულხლართების შედეგად შექმნილ მძიმე ჰუმანიტარულ ვითარებას. ელჩები გაესაუბრნენ ადგილობრივ მკვიდრს ზურაბ ვალიშვილს და შინაგან საქმეთა სამინისტროსგან მიიღეს ინფორმაცია რუსეთის საოკუპაციო ძალების მხრიდან მავთულხლართების გავლების პროცესისა და ოკუპირებული ტერიტორიების სიახლოვეს შექმნილი ვითარების შესახებ.
ელჩების შეფასებით აღნიშნული ვითარება აღმაშფოთებელია და საერთაშორისო სამართლისა და ადამიანის ფუნდამენტური უფლებების უხეშ დარღვევას წარმოადგენს, რაც საერთაშორისო თანამეგობრობის მხრიდან მკაცრ რეაგირებას მოითხოვს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.