2018 წელს გარდაბნის მუნიციპალიტეტის სოფლებში: სართიჭალაში, აღთაკლიაში, ყარათაკლიასა და ყარაჯალარში გზის 8, 21 კილომეტრიანი მონაკვეთი მოასფალტდება.

გარდაბნის მუნიციპალიტეტის მერიის ცნობით, პროექტის მიხედვით, სართიჭალაში 2, 28 კმ, აღთაკლიაში 1, 92 კმ, ყარათაკლიაში 1, 54 კმ, ხოლო ყარაჯალარში 2, 47 კმ სიგრძის ასფალტის საფარი დაიგება.

პროექტი ადგილობრივი ბიუჯეტიდან ფინანსდება და მისი ღირებულება 1 282 890 ლარს შეადგენს.

გარდაბნის მერიაში აცხადებენ, რომ სახელმწიფო ტენდერი სამშენებლო სამუშაოების შესასყიდად უკვე გამოცხადებულია, წინადადებების მიღება კი 16 აპრილს დასრულდება.

სახელმწიფო ტენდერში გამარჯვებულ კომპანიას, სამშენებლო სამუშაოების დასასრულებლად ვადა ხელშეკრულების გაფორმებიდან 70 დღით განესაზღვრა.