საქართველოს თავდაცვის სამინისტროს შეიარაღებული ძალების დაჭრილი და დაშავებული სამხედრო მოსამსახურეები აშშ-დან 20 მედლით დაბრუნდნენ. გამარჯვებულებს თბილისის საერთაშორისო აეროპორტში თავდაცვის მინისტრის მოადგილე ზაალ კაპანაძე, გენერალური შტაბის უფროსის მოადგილე, ბრიგადის გენერალი ზაზა ჩხაიძე, ასევე თანამებრძოლები და ოჯახის წევრები დახვდნენ. ქართველმა სამხედროებმა აშშ-ში 6 - ოქროს, 6 - ვერცხლის და 9 - ბრინჯაოს მედლები მოიპოვეს.
საზღვაო ქვეითთა თამაშები აშშ-ში, ჩრდილოეთ კაროლინას შტატის სამხედრო ბაზაზე „კემპ ლეჟუნი“ გაიმართა და მასში მონაწილეობა 7 ქვეყნის 173-მა დაშავებულმა სამხედრო მოსამსახურემ მიიღო.
ქართველმა დაშავებულმა სამხედროებმა სპორტის 6 სახეობაში იასპარეზეს: 10 კმ. მანძილზე ხელის ველოსიპედით შეჯიბრი, ტრენაჟორით ნიჩბოსნობა, სირბილი, ცურვა, პნევმატური იარაღით სროლა და პარა-კალათბურთი.
საზღვაო ქვეითთა თამაშები ჩრდილოეთ კაროლინას შტატის სამხედრო ბაზაზე „კემპ ლეჟუნი“ 12 მარტს ოფიციალურად გაიხსნა. ცერემონიაზე მონაწილეებს სიტყვით აშშ-ის საზღვაო ქვეითი ძალების გენერალმა გლენ ვოლტერსმა მიმართა. შეჯიბრში აშშ-დან, ავსტრალიიდან, კოლუმბიიდან, საფრანგეთიდან, საქართველოდან, გერმანიიდან და გაერთიანებული სამეფოდან დაჭრილი და დაშავებული სამხედრო მოსამსახურეები ასპარეზობდნენ.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.