კრწანისში მდებარე საერთო საჯარისო ცენტრში, ავიაციისა და საჰერო თავდაცვის სკოლის საჰაერო თავდაცვის კურსის გამოშვების ცერემონია გაიმართა. ოფიცრებს კურსის წარმატებით დასრულება საქართველოს შეიარაღებული ძალების გენერალური შტაბის წვრთნებისა და სამხედრო განათლების სარდლობის შტაბის უფროსმა, პოლკოვნიკმა როინ ფაილოძემ მიულოცა. სიტყვით მიმართვისას, მან კურსდამთვრებულებს წარმატებები უსურვა და ქვეყნის თავდაცვისუნარიანობის გაძლიერების მიზნით, საჰაერო თავდაცვის გვარეობის მნიშვნელობაზე ისაუბრა.
საჰაერო თავდაცვის ოფიცერთა და სპეციალისტთა მომზადების კურსი 2 ოქტომბერს დაიწყო. სწავლება 26 კვირის განმავლობაში მიმდინარეობდა და ორ მიმართულებას - „საზენიტო სარაკეტო სისტემების უმცროს ოფიცერთა მომზადებისა“ და „რადიოლოკაციური სისტემების უმცროს ოფიცერთა“ მომზადების კურსებს მოიცავდა.
12 ოფიცერი კურსის განმავლობაში საჰაერო თავდაცვის ტექნიკას, ტაქტიკას, საჰაერო თავდასხმის საშუალებებსა და სამხედრო ოპერაციებზე კლიმატის გავლენას გაეცნო. თეორიული ნაწილის გარდა, მათ საჰაერო თავდაცვის ბრიგადის ქვედანოფებში პრაქტიკული მეცადინეობებიც გაიარეს.
დღესვე, ოფიცრებს კურსის დასრულების დამადასტურებელი დიპლომები გადაეცათ. ისინი შესაბამის ქვედანაყოფებში გადანაწილდებიან და მიღებულ ცოდნას შემდგომ საქმიანობაში გამოიყენებენ.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.