„დმანისის გადარჩენის ფონდის“ წარმომადგენლები ეკონომიკისა და მდგრადი განვითარების მინისტრის პასუხისმგებლობის საკითხის დაყენებას აპირებენ.

როგორც ოპოზიციური პარტიები აცხადებენ, არსებობს დასაბუთებული ვარაუდი, რომ უშუალოდ დიმიტრი ქუმსიშვილის მონაწილეობით, ერთ პირთან მოლაპარაკების გზით „არ-ემ-ჯი-გოლდს" 100 000 კვ. მეტრი ტერიტორია გადაეცა.

„ჩვენ დამავტკიცეთ უკვე, რომ სრულიად უკანონოდ მითვისებული აქვს ტერიტორიები „არ-ემ-ჯი-გოლდს" და აშენებულია ქარხნები და სრულიად უკაონოდ ახორციელებს მადნის მოპოვებას. ამას აქვს თავისი სახელი და გვარი მთავრობაში - ეს არის ბატონი ქუმსიშვილი, რომელთან შეხვედრასაც ჩვენ ვითხოვთ, რომლის პირადი მონაწილეობითაც მოხდა ეს ყველაფერი „არ-ემ-ჯი-გოლდთან" მიმართებაში. სწორედ მისი დავალებით, ეკონომიკის სამინისტროს ამზომველებმა მისცეს ყველა ეს მიწა აბსოლუტურად უკანონოდ ფაქტობრივად „არ-ემ-ჯი-გოლდს", განაცხადა „რუსთავი 2"-თან საუბრისას პოლიტიკური პლაფორმა „ახალი საქართველოს" თავმჯდომარემ, გიორგი ვაშაძემ.

„ერთიან ნაციონალურ მოძრაობაში" ამბობენ, რომ დარღვევების დამადასტურებელ მასალებს პროკურატურაში შეიტანენ.

„ნათელია, რომ „არ ემ-ჯი-გოლდი" ბოლნისი-დმანისის მუნიციპალიტეტში თავის საქმიანობასა და ამ დანაშაულებრივი ქმედებების დამალვაში რეალურად იყენებს მთელ სახელმწიფო მანქანას. პირადად არის ჩართული ქუმსიშვილი, რომლის პასუხისმგებლობის საკითხიც უნდა დადგეს აუცილებლად და ჩვენ ვითხოვთ მასთან შეხვედრას და პარალელურად ასევე შეგვაქვს საქმის მასალები პროკრუატურაში, რომელიც ასახავს ამ დარღევებს", განაცხადა საპარლამენტო ფრაქცია „ნაციონალური მოძრაობის" მდივანმა, თინათინ ბოკუჩავამ.