რაულ კასტრო კუბის პრეზიდენტის პოსტზე 57 წლის ბიუროკრატმა, მიგელ მარიო დიაზ-კანელ ბერმუდეზმა შეცვალა, რითაც კომუნისტურ კუნძულზე ერთი ოჯახის, კასტროების 60-წლიანი მმართველობა დასრულდა.

ეროვნულმა ასამბლეამ გამოაცხადა, რომ მიგელ მარიო დიაზ-კანელ ბერმუდეზი, რომელიც ერთადერთი კანდიდატი იყო, დამტკიცებულია პრეზიდენტად.

86 წლის რაულ კასტრო კომუნისტური პარტიის ხელმძღვანელად რჩება, პარტიისა, რომელიც კონსტიტუციით, „სახელმწიფოს და საზოგადოების უმთავრეს მამოძრავებელ ძალად“ არის მიჩნეული. შედეგად, ის კუბაში ისევ ყველაზე გავლენიანი პერსონა იქნება.

ბიოლოგიური რეალობის წინაშე მდგომი, მაგრამ ჯერ კიდევ აქტიური და აშკარად ჯანმრთელი რაულ კასტრო პრეზიდენტის პოსტიდან იმ გარანტიის ძალისხმევით მიდის, რომ ახალმა ლიდერებმა შეძლონ მთავრობის კონტროლის შენარჩუნება ძალაუფლებაზე იმ დროს, როცა ქვეყანა ეკონომიკური სტაგნაციის წინაშე დგას, მოსახლეობის დაბერების პროცესი სახეზეა და უფრო ახალ თაობებს შორის იმედგაწბილებას აქვს ადგილი. 

„მე არ მინდა კაპიტალისტური სისტემის ხილვა. ვიმედოვნებ, ის არ შემოვა ჩვენთან, მაგრამ ჩვენ უნდა აღვადგინოთ ეკონომიკა“, განაცხადა რობერტო სანჩესმა, 41 წლის მუშამ, რომელიც მშენებლობაზე მუშაობს. „მე მსურს მქონდეს უფრო მეტი შესაძლებლობა, ვიყიდო მანქანა, და გამაჩნდეს ქონება“. 

ახალ პრეზიდენტს მემკვიდრეობით ერგო ქვეყანაში არსებული ეკონომიკური სტაგნაცია და გარდა ამისა, კომპლექსურ ამოცანას წარმოადგენს ისიც, რომ იგი მისი წინამორბედებისაგან განსხვავებით რევოლუციური წარსულის მქონე ფიგურა არ არის.

მიგელ დიაზ-კანელი (ფოტოზე ხელმარჯვნივ) ნაკლებად ცნობილი პოლიტიკური ფიგურა იყო 2013 წლამდე, როცა იგი კუბის სახელმწიფო საბჭოს ვიცე-პრეზიდენტად დაინიშნა, მაგრამ მას შემდეგ ის რაულ კასტროს მარჯვენა ხელი გახდა.

იგი 1960 წელს დაიბადა, ერთი წლის შემდეგ, რაც ფიდელ კასტრომ კუბის პრემიერ მინისტრის რანგში დადო ფიცი.