„ათასწლეულის გამოწვევის ფონდის“ მიერ, ახალქალაქის მუნიციპალიტეტის სოფელ კარტიკამში სრულად რეაბილიტირებული საჯარო სკოლა გაიხსნა.

როგორც GUARDIAN.GE-ს ახალქალაქის მერმა, იურიკ უნანიანმა განუცხადა, სკოლა დაახლოებით, 400 ბავშვზეა გათვლილი და მისი აღდგენითი სამუშაოები 2 წლის წინ დაიწყო.

სკოლის გახსნას „ათასწლეულის გამოწვევის ფონდის“ საქართველოს აღმასრულებელი დირექტორი მაგდა მაღრაძე, საქართველოში აშშ-ის ელჩის მოვალეობის შემსრულებელი ელიზაბეთ რუდი, განათლებისა და მეცნიერების მინისტრის მოადგილე თეიმურაზ მურღულია, სამცხე-ჯავახეთის გუბერნატორი კახა სამხარაძე, ახალქალაქისა და ნინოწმინდის მუნიციპალიტეტების მაჟორიტარი დეპუტატი საქართველოს პარლამენტში ენზელ მკოიანი, ახალქალაქის მერი იურიკ უნანიანი, ახალქალაქის საკრებულოს თავმჯდომარე ნაირი ირიციანი და სხვა ოფიციალური პირები ესწრებოდნენ.

(მასალაში გამოყენებულია ფოტოები „ფეისბუქგვერდიდან“ „ახალქალაქის განვითარება“)