წვრთნებისა და სამხედრო განათლების მხარდამჭერი ცენტრი „კრწანისი“ დაბადების დღეს აღნიშნავს. ღონისძიებას წვრთნებისა და სამხედრო განათლების სარდალი, პოლკოვნიკი მალხაზ მაკარაძე დაესწრო და მხარდამჭერი ცენტრის პირად შემადგენლობას სიტყვით მიმართა. მან წარმატებულ ქვედანაყოფზე, მათ წვლილზე და დამსახურებებზე ისაუბრა, ასევე ყურადღება გაამახვილა ცენტრის რეფორმებზე, ინფრასტრუქტურის მოწესრიგებასა და მათი ფუნქციების გაზრდაზე.
საზეიმო ღონისძიებაზე დაჯილდოების ცერემონიალიც გაიმართა.
საქართველოს თავდაცვის მინისტრის 1997 წლის 22 აპრილის N 125 ბრძანების თანახმად ეროვნული სასწავლო ცენტრი „კრწანისი“ ჩანოყალიბდა. 2016 წელს, შეიარაღებულ ძალებში მიმდინარე სტრუქტურული რეორგანიზაციის შედეგად, ეროვნული სასწავლო ცენტრ „კრწანისის“ ბაზაზე ახალი ქვედანაყოფი - წვრთნებისა და სამხედრო განათლების მხარდამჭერი ცენტრი „კრწანისი“ შეიქმნა, რომლის ამოცანაა ნატო-საქართველოს წვრთნებისა და შეფასების ერთობლივი ცენტრის (JTEC) და საერთო საჯარისო ცენტრის მატერიალურ-ტექნიკური უზრუნველყოფა, ასევე შეიარაღებულ ძალებში დაგეგმილი სწავლების მხარდაჭერა.
ინფორმაციას და ვიდეომასალას საქართველოს თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.