უწყებათშორისი კოორდინაციისა და შეიარაღებული ძალების კრიზისულ სიტუაციებზე რეაგირების სისტემის დახვეწის მიზნით ეროვნულ გვარდიაში სამეთაურო-საშტატო სწავლება „შამქორი 2018“ დაიწყო.
ერთკვირიანი სწავლების გახსნას სასწავლო ცენტრ „ბაზალეთის“ ტერიტორიაზე გენერალური შტაბის უფროსის მოადგილე, ბრიგადის გენერალი შალვა ჯაბახიძე დაესწრო. კურსის ხელმძღვანელებმა მას სწავლების სტრუქტურა, მიზნები და სამომავლო გეგმები ადგილზე გააცნეს.
სწავლების განმავლობაში ეროვნული გვარდიისა და დაქვემდებარებული ქვედანაყოფების შტაბები მოწინააღმდეგის ჰიბრიდული მოქმედებების წინააღმდეგ ოპერაციების დაგეგმვისა და აღსრულების პროცესში უნარჩვევებს დახვეწენ.
სწავლებაში „შამქორი 2018“ ეროვნული გვარდიის მე-10 და მე-20 კადრირებული ბრიგადების შტაბები, მომზადებისა და გადამზადების ცენტრის პირადი შემადგენლობა და სამოქალაქო პირები მონაწილეობენ.
ინფორმაციას, ფოტო და ვიდეომასალას თავდაცვის უწყების პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.