ასეთი ცინიზმი ადამიანის მხრიდან, რომ გამოვიდეს და თქვას, რომ მე ვბრუნდები იქ, საიდანაც ის არასდროს წასულა, ნაკლებად მოიძებნება მსოფლიო პოლიტიკის ისტორიაში, ასე ეხმაურება „ერთიანი ნაციონალური მოძრაობის" პოლიტიკური საბჭოს თავმჯდომარე ნიკა მელია ყოფილი პრემიერ მინისტრის, ბიძინა ივანიშვილის თანხმობას, უხელმძღვანელოს „ქართულ ოცნებას".

როგორც ნიკა მელიამ „რუსთავი 2"-თან საუბრისას განაცხადა, ქართულ საზოგადოებაში არ დარჩა ადამიანი, ვინც დაიჯერებს, რომ ივანიშვილი საიდანღაც დაბრუნდა.

„ესეც ცალკე ტრაგედიაა, როდესაც ადამიანს მიაჩნია უბედურებად და მეორედ მოსვლად პარტიაში პრობლემა. ის, რომ ქვეყანაში მთელი ექვსი წლის განმავლობაში მართლა მეორედ მოსვლაა და ტრაგედია ტრიალებს, მას არაფრად არ მიაჩნია.... აღარ დარჩა მე მგონი საზოგადოებაში არავინ, ვინც დაიჯერებს, რომ ივანიშვილი ახლა საიდანღაც დაბრუნდა", აცხადებს ნიკა მელია.