„ბიძინა ივანიშვილი როდესაც მიდიოდა პოლიტიკიდან, განაცხადა, დიდი უბედურება უნდა მოხდეს ქვეყანაში, რომ დავბრუნდეო და ეს დაემსგავსება მეორედ მოსვლასო. ეტყობა, ეს დიდი უბედურება ხდება უკვე", ასე ეხმაურება ბიძინა ივანიშვილის პოლიტიკაში დაბრუნებას „პატრიოტთა ალიანსის“ ლიდერი ირმა ინაშვილი.

მისი თქმით, იმ ფონზე, როდესაც „ქვეყანაში არის პოლიტიკური კრიზისი, საგარეო პოლიტიკის კუთხით გვაქვს უამრავი გამოწვევა, ქვეყანაში არის მძიმე სოციალური გაჭირვება, ამიტომ ბიძინა ივანიშვილის პოლიტიკაში შემოსვლას აქვს ძალიან დიდი მნიშვნელობა".

„ორი წლის განმავლობაში ხშირად მოვუწოდებდი დაბრუნებულიყო და პოლიტიკურ პროცესებზე აეღო პასუხისმგებლობა. რატომ არის ეს კარგი? პირველ რიგში, დასრულდება საუბარი არაფორმალურ მმართველობაზე, რაც ძალიან გვაზიანებდა დასავლეთის თვალში, მეორე – ყველას ეცოდინება თავისი ადგილი, პირველ რიგში, „ქართულ ოცნებასთან“ მიკერებულ-პორტირებულებს, რომლებიც სარგებლობდნენ ოცნებისა და ბიძინა ივანიშვილის სახელით. რაც ყველაზე მნიშვნელოვანია ჩემთვის, უნდა დამთავრდეს ქვეყანაში პოლიტიკური კრიზისი“, განაცხადა ირმა ინაშვილმა.