დიდმა ბრიტანეთმა უარი განაცხადა რუსეთის საგანმანათლებლო დიპლომების აღიარებაზე, ლონდონი თავისი ქმედებებით ქვეყანაში განათლების სფეროს აზიანებს, განუცხადა რუსეთის დიპლომატიურ მისიის წარმომადგენელმა „რია ნოვოსტის“.

უფრო ადრე, ბრიტანული მედია წერდა, რომ გაერთიანებული სამეფოს კერძო სკოლებში, ბოლო ორი წლის განმავლობაში რუსეთიდან სტუდენტების რაოდენობა თითქმის 40 პროცენტით შემცირდა.

„სკოლების დამოუკიდებელი საბჭოს მიერ გამოქვეყნებული ციფრები, უდავოა, ყურადღებას იმსახურებს. ორ ქვეყანას შორის ურთიერთობების გაუარესებისა და ანტირუსული კამპანიის ფონზე, ბრიტანული კერძო საგანმანათლებლო სფერო რუსებისთვის თავის მიმზიდველობას კარგავს“, განაცხადა დიპლომატმა და შენიშნა, რომ ბავშვებს რუსეთიდან ბრიტანეთში „არამეგობრულ გარემოში“ მოხვედრის ეშინიათ.

ამაზე, რგორც ეს საელჩოს წარმომადგენელმა აღნიშნა, გავლენას ახდენს ის ფაქტიც, რომ ბრიტანეთმა, ევროპის სხვა სახელმწიფოების ხელისუფლებებისაგან განსხვავებით, დაბლოკა მოსკოვთან შეთანხმების დადება, რაც განათლების დოკუმენტების - დიპლომების ორმხრივ აღიარებას ითვალისწინებდა.

„ეს, სწავლების ადგილის არჩევისას, რუსული ოჯახებისთვის მნიშვნელოვან ფაქტორს წარმოადგენს“, განაცხადა რუსმა დიპლომატმა.

რუსეთსა და დიდ ბრიტანეთს შორის ურთიერთობები განსაკუთრებით გასული თვის დასაწყისში გამწვავდა, რაც ინგლისის ქალაქ სოლსბერიში ყოფილი რუსი ჯაშუშის, ბრიტანეთის მოქალაქის, სერგეი სკრიპალისა და მისი 33 წლის ქალიშვილის, იულია სკრიპალის ქიმიური ნივთიერებით მოწამვლას უკავშირდება. ლონდონმა აღნიშნულ ქმედებაში ბრალი მოსკოვს დასდო, ამ უკანასკნელმა კი საქმეში რაიმე ფორმით ჩართულობა კატეგორიულად უარყო.