„ეროვნულ-დემოკრატიული ინსტიტუტის“ კვლევის შედეგების მიხედვით, საქართველოს პარლამენტის საქმიანობას ძალიან კარგად 1%, ხოლო 8% ძალიან ცუდად აფასებს.

გამოკითხულთა 45% საკანონმდებლო ორგანოს საქმიანობას საშუალო შეფასებას აძლევს. 28% მიიჩნევს, რომ პარლამენტი ცუდად მუშაობს; 12% ფიქრობს, რომ პარლამენტის საქმიანობა კარგია.

NDI-ის საქართველოს წარმომადგენლობის ინფორმაციით, კვლევის საველე სამუშაოები ჩატარდა 20 მარტი-4 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით), 2,194 პირისპირ ინტერვიუს წარმომადგენლობითი შერჩევის საფუძველზე.

NDI-ის კვლევები დიდი ბრიტანეთის მთავრობის UK aid-ის ფინანსური ხელშეწყობით ხორციელდება. გამოკითხვას „CRRC-საქართველო“ ატარებს.

„ეროვნულ-დემოკრატიულმა ინსტიტუტმა“ (NDI) და „CRRC-საქართველომ“ 2018 წლის მარტში ჩატარებული საზოგადოებრივი აზრის კვლევის შედეგი მედიას დღეს წარუდგინეს.