საქართველოს ყოფილმა პრეზიდენტმა მიხეილ სააკაშვილმა განაცხადა, რომ ბიძინა ივანიშვილი ქართულ პოლიტიკაში „საკუთარი ტყავის გადასარჩენად“ დაბრუნდა, რადგან მისი თქმით, საფრანგეთის უშიშროების დეპარტამენტი ეძებს მას, რომ მიიყვანონ „საგამოძიებო მოსამართლესთან საფრანგეთში, რათა პასუხი აგოს იმ მაქინაციების გამო, რასაც წლების განმავლობაში ახორციელებდა ის და მისი აფერისტი პარტნიორები რუსეთიდან“.

აღნიშნულის შესახებ სააკაშვილმა ევროპიდან გადაცემა „არჩევანში“ პირდაპირი ჩართვისას განაცხადა. მან აღნიშნა, რომ ივანიშვილს საქართველოში პრეზიდენტის პოსტზე კენჭისყრა აქვს განზრახული, რათა ამით იმუნიტეტი შეიძინოს და სისხლის სამართლებრივი დევნისაგან თავი დაიხსნას.

„თავის დროზე ამ კაცმა სრულიად დაუმსახურებლად, ქრთამის ხარჯზე, იმიტომ რომ მაშინ საფრნაგეთის ელჩი საქართველოში ფურნიე მოისყიდა - პირდაპირ რომ ვთქვათ, მის მეუღლეს იქ ქონებრივი რაღაცები გაუკეთა და ფურნიეს მეშვეობით... ფურნიემ დაბადების დღეზე აჩუქა მას საფრანგეთის მოქალაქეობა ისე, რომ მას ამაზე არანაირი უფლება არ ჰქონდა. ეხლა, შესაბამისად, ფრანგებმა ამოიყვანეს მთელი ეს საქმეები, შეშინებულია, ფურნიე ისევ აიყვანა თავის მრჩევლად, რომ ფურნიემ არ ჩაუშვას და ფურნიემ არ დაიწყოს მასზე ჩვენებების მიცემა. ასევე სცადა სხვათაშორის ვაშინგტონში გაფრენა და თქვა, იქნებ ამერიკის მეშვეობით, იქნებ ვიღაცებს ფული მივცეთო და დავალოგოთ ფრანგებთან ურთიერთობაო და ამერიკელებმა უთხრეს, რომ ავად ხომ არა ხარო და დაეტიე იქ, სადაც ხარო და ჩვენ ვერაფერს ვერ გაგიკეთებთო. ახლა ზის საქართველოში თავის სოროში, ვერ გამოდის იქიდან, შეშინებულია და ფიქრობს, რომ თუკი პრეზიდენტად იყრის კენჭს ან რამე თანამდებობაზე მოვა, უცხოელები დაანებებენ თავს იმიტომ, რომ ოფიციალურ პირებზე საქმის აღძვრას მაინც მოერიდებიან. ეს არის ჩვეულებრივი თაღლითი“, განაცხადა სააკაშვილმა.