ფასანაურში, 28-29 აპრილს, ზიპლაინის და ჯომარდობის სეზონი გაიხსნა, რომლის ფარგლებშიც, ზიპლაინის ეროვნული ფედერაციის, მოლაშქრეთა და მოგზაურთა კლუბ „მსოფლიოში დაკარგულებისა" და ფასანაურის საჯომარდო ბანაკის ორგანიზებით, ტური მოეწყო.
როგორც GUARDIAN.GE-ს მოლაშქრეთა და მოგზაურთა კლუბ „მსოფლიოში დაკარგულების" წევრმა, თამუნა სახვაძემ განუცხადა, ტური აბსოლუტურად უსაფრთხო იყო, რადგან მას პროფესიონალი ინსტრუქტორები უძღვებოდნენ.
„ტურში მონაწილეობდნენ ყველაზე ექსტრემალი და პოზიტიური ადამიანები, რომლებისთვისაც ყოველი წამი ნამდვილად დასამახსოვრებელი იყო. დაშვების შემდეგ ისინი არაგვის მეორე ნაპირიდან ნავებით ბრუნდებოდნენ. ღონისძიება მრავალფეროვანი იყო, რადგან მხოლოდ ზიპლაინით და ჯომარდობით არ შემოიფარგლებოდა. შესაძლებელი იყო თევზაობაც, მშვილდოსნობაც და კვადროციკლებით შეჯიბრი.
პროფესიონალი ორგანიზატორები რაციებით ეკონტაქტებოდნენ ერთმანეთს და თუკი მონაწილეს ეშინოდა დაშვება, ამაში ფსიქოლოგიურად და მორალურად ინსტრუქტორი ეხმარებოდა.
თუ მიიჩნევთ, რომ ხართ რისკიანი და გსურთ საკუთარი ძალების გამოცდა, შემოგვიერთდით ჩვენ, გაიარეთ ტური ჩვენთან ერთად და მიიღეთ დაუვიწყარი შთაბეჭდილება", განაცხადა GUARDIAN.GE-სთან საუბრისას მოლაშქრეთა და მოგზაურთა კლუბ „მსოფლიოში დაკარგულების" წევრმა, თამუნა სახვაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.