სულ მცირე 95 ადამიანი დაიღუპა და ასეულობით სხვამ დაზიანებები მიიღო ჩრდილოეთ ინდოეთში, უტარ პრადეშსა და რაჯისტანის შტატებზე თავსდამტყდარი საშინელი ქარიშხლის შედეგად.
ოთხშაბათს, ქარიშხალმა ელექტროგადამცემი ხაზები დააზიანა, ძირფესვიანად ამოთხარა ხეები, გაანადგურა სახლები და დახოცა პირუტყვი.
ბევრ ადამიანს, რომელიც სტიქიას ემსხვერპლა, ეძინა, როცა მათი სახლები დაინგრა.
BBC-ის ცნობით, 64 ადამიანი უტარ პრადეშში დაიღუპა, მათ შორის 43 აგრას რაიონში, რომელიც მსოფლიოში ტაჯ-მაჰალის გრანდიოზული ტაძრითაა ცნობილი. ოფიციოზის განცხადებით, გარდაცვლილთა რიცხვი შესაძლოა, გაიზარდოს.
ქარიშხალმა ასევე ზიანი მიაყენა მეზობელი რაჯისტანის სამ რაიონს - ალვარს, ბჰარატპურსა და დჰოლპურს, სადაც სტიქიას 31 ადამიანი ემსხვერპლა. ყველაზე მეტად კი ალვარია დაზიანებული, სადაც სკოლები დაიკეტა.
შტატის მთავრობამ გამოაცხადა, რომ გარდაცვლილთა ოჯახები კომპენსაციის სახით 400, 000 რუპიას (დაახლოებით 6 000 აშშ დოლარი) მიიღებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.