საქართველოს პრეზიდენტმა გიორგი მარგველაშვილმა და პირველმა ლედიმ მაკა ჩიჩუამ დღეს ბავშვთა დაცვის საერთაშორისო დღე, ნოდარ დუმბაძის მიერ დაარსებულ ბავშვთა ქალაქ „მზიურში“ აღნიშნეს, სადაც ამ დღესთან დაკავშირებით ყოველწლიური „მზის ფესტივალი“ გაიმართა.


გიორგი მარგველაშვილმა და მაკა ჩიჩუამ ბავშვების მიერ შექმნილი ხელნაკეთი ნივთბისა და ნახატების გამოფენა დაათვალიერეს, მათ შორის ახალგაზრდა მხატვრის ლექსო ფოდიშვილის ნამუშევრები. დასასრულს საქართველოს პრეზიდენტი მეუღლესთან ერთად ბავშვებისთვის გამართულ წარმოდგენას დაესწრო.


ღონისძიებას საქართველოს პრეზიდენტთან ერთად, საქართველოს უშიშროების საბჭოს მდივანი ირინა იმერლიშვილი და საქართველოს პრეზიდენტის მრჩეველი ეკონომიკურ საკითხებში გიორგი აბაშიშვილიც ესწრებოდნენ.