9 მაისს, ფაშიზმზე გამარჯვების 73-ე წლისთავთან დაკავშირებით, საქართველოს პარლამენტის წევრმა, ენზელ მკოიანმა, ნინოწმინდის მუნიციპალიტეტის მერმა, ანი მოსოიანმა და საკრებულოს თავმჯდომარემ, სუმბატ კიურეღიანმა მოსახლეობასა და მოსწავლე-ახალგაზრდობასთან ერთად, ნინოწმინდის პარკში მდებარე ომში დაღუპულთა მემორიალი გვირგვინით შეამკეს.

მერიისა და საკრებულოს თანამშრომლები მეორე მსოფლიო ომის 3 ვეტერანსაც შეხვდნენ.

ფაშიზმზე გამარჯვების აღსანიშნავად გაიმართა საზეიმო ღონისძიება, რომელიც მერიის კულტურის სამსახურის უფროსმა, ჟორა სნხჩიანმა გახსნა.

გაიმართა კონცერტი ნინოწმინდის კულტურის ცენტრის, სოფლების მხატვრული ანსამბლებისა და ახალგაზრდა შემსრულებლების მონაწილეობით. ღონისძიება ასევე გაიმართა ნინოწმინდის მუნიციპალიტეტის 13 სოფელში.

ინფორმაციასა და ფოტომასალას ნინოწმინდის მერიის პრესსამსახური ავრცელებს.