აშშ-ის სენატმა ხუთშაბათს ჯინა ჰასპელი ცენტრალური სადაზვერვო სააგენტოს (CIA) დირექტორის პოსტზე დაამტკიცა - 54 ხმით 45-ის წინააღმდეგ, მიუხედავად იმისა, რომ მის კანდიდატურას ბევრი მძლავრად ეწინააღმდეგებოდა CIA-ს სასტიკი წამების პროგრამაში მისი როლის გამო.
ჰასპელი აშშ-ის ისტორიაში პირველი ქალია, რომელიც CIA-ს დირექტორი გახდა.
ხმები, 54-45 ორივე პარტიაზე გადანაწილდა. „რესპუბლიკელებს“ კანდიდატისთვის ხმის მიცემაში ექვსი „დემოკრატი“ შეუერთდა. კენჭისყრას არ დასწრებია ჯონ მაკკეინი, რომელიც ინტენსიური მკურნალობის ქვეშ იმყოფება, თუმცა ვეტერანმა სენატორმა არიზონას შტატიდან, თავისი უარყოფითი პოზიცია CIA-ს წამების პროგრამაში ჰასპელის როლის გამო წერილობითი განცხადებით გააკეთა.
სენატის უმრავლესობის ლიდერმა, მიჩ მაკკონელმა კი დონალდ ტრამპის არჩევანს უწოდა „საჭირო ქალი, საჭირო ადგილას“.
61 წლის ჯინა ჰასპელმა, რომელსაც სადაზვერვო სააგენტოში 33-წლიანი კარიერული გზა აქვს გავლილი, CIA-ს დირექტორის თანამდებობაზე სახელმწიფო მდივნის პოსტზე გადანაცვლებული მაიკ პომპეო შეცვალა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.