ავიაკომპანია „პაბედას“ კუთვნილი ბოინგი, რომელიც მოსკოვიდან ასტრახანის მიმართულებით მიფრინავდა, მარჯვენა ძრავის გაჩერების გამო, „ვნუკოვოს“ აეროპორტში დაბრუნდა.

„ასტრახანში რეისის შესრულებისას, მარჯვენა ძრავამ მუშაობა შეწყვიტა, თვითმფრინავი „ვნუკოვოში“ ბრუნდება“, განუცხადეს „რია ნოვოსტის“ ავიაკომპანიაში ცოტა ხნის წინ.

„Flightradar24-ის რესურსზე დაყრდნობით, ავიალაინერი ცაში მოსკოვისკენ, ვოლგოგრადის ოლქში შემობრუნდა. მოსკოვის დროით, დილის 9:00 საათის მდგომარეობით, თვითმფრინავი დედაქალაქის რეგიონში იმყოფებოდა.

ხომალდმა „ვნუკოვოს“ აეროპორტში საგანგებო დაშვება უკვე განახორციელა.

აეროპორტის მომაცემების მიხედვით, „პაბედას“ კუთვნილი „ბოინგი737-800“ მოსკოვის „ვნუკოვოს“ აეროპორტიდან ასტრახანის მიმართულებით ადგილობრივი დროით დილის 7:15 საათზე გაფრინდა და ის დანიშნულების ადგილას მოსკოვის დროით 9:18 საათზე უნდა დაფრენილიყო.

ავიაკომპანიის ინფორმაციით, მისი ყველა - 12-ივე „ბოინგ 737-800“-ის მოდელის თვითმფრინავი, 2014-2015 წლებშია წარმოებული და პირდაპირ „ბოინგის“ მწარმოებელი ქარხნიდან არის მიღებული.

„Победа“ უკან დაბრუნებულ მგზავრებს დანიშნულების ადგილისკენ სარეზერვო ავიალაინერით გაამგზავრებს. რუსულ ავიაკომპანიაში განაცხადეს, რომ ხომალდის ძრავის გაჩერება პირველად მოხდა.