გროზნოში ეკლესიაზე განხორციელებულ თავდასხმაზე, რომლის შედეგადაც 3 ადამიანი დაიღუპა, პასუხისმგებლობა „ისლამურმა სახელმწიფომ“ აიღო, იტყობინება „როიტერსი“.
შაბათს ჩეჩნეთის დედაქალაქის ცენტრალურ ნაწილში, ახმედ კადიროვის პროსპექტზე მდებარე მთავარანგელოზ მიქაელის სახელობის ტაძარზე (დაბლა ფოტოზე) მებრძოლთა მიერ განხორციელებული თავდასხმის შედეგად დაღუპულია ორი პოლიციელი, რომელიც ეკლესიის დაცვას ახორციელებდა, და მრევლის ერთი წარმომადგენელი. დაშავებულია ორი სამართალდამცველი.
თავდამსხმელები სპეცოპერაციისას იქნენ ლიკვიდირებულნი. მათი ვინაობა დადგენილია. ჩეჩნეთის რესპუბლიკის ლიდერის, რამზან კადიროვის განცხადებით, თავდამსხმელთაგან ორი, გროზნოს სიახლოვეს, სოფელ გელდაგანში ცხოვრობდა, ჯგუფის ხელმძღვანელი კი „ერთ-ერთი მეზობელი რეგიონის მკვიდრი“ იყო. კადიროვის თქმით, „არსებობს ოპერატიული ინფორმაცია, რომ მებრძოლებმა ბრძანება დასავლეთის ერთ-ერთი ქვეყნიდან მიიღეს“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.