საქართველოს თავდაცვის მინისტრმა ვიზიტის ფარგლებში პირველი შეხვედრა აშშ-ის თავდაცვის მდივნის მოადგილესთან გამართა. ლევან იზორიამ და ჯონ რუდმა შეხვედრაზე აღჭურვილობისა და შეიარაღების შესყიდვის საკითხები განიხილეს.
აღნიშნულის შესახებ GUARDIAN.GE-ს საქართველოს თავდაცვის სამინისტროდან აცნობეს.
თავდაცვის მინისტრის განცხადებით, ჯაველინების შესყიდვის შემდეგ, თანამშრომლობის და შესყიდვების დინამიკა მომავალშიც გაგრძელდება, რაც წელს პირველად თავდაცვის უწყებაში გამოქვეყნებული გრძელვადიანი შესყიდვების სტრატეგიის შესაბამისად მოხდება. ლევან იზორიას განცხადებით, აქცენტი ძირითადად მცირე ზომის ტაქტიკური ქვედანაყოფების შეიარაღებაზე გაკეთდება. თავდაცვის დეპარტამენტში გამართულ შეხვედრაზე კიდევ ერთხელ ხაზგასმით აღინიშნა ამერიკის შეერთებული შტატების მხრიდან საქართველოს თავდაცვის უწყებაში განხორციელებული მტკიცე და პრინციპული რეფორმების მხარდაჭერა.
აშშ-ის თავდაცვის მდივნის მოადგილის შემდეგ ლევან იზორიამ შეხვედრა ამერიკის ეროვნული გვარდიის ბიუროს უფროსის მოადგილესთან გენერალ-ლეიტენანტ დანიელ ჰოკენსონთან გამართა. მოგვიანებით საქართველოს თავდაცვის მინისტრი არლინგტონის ეროვნულ სასაფლაოზე გაემგზავრა, სადაც გენერალ ჯონ მალხაზ შალიკაშვილის საფლავი მის ვაჟთან ბრეტ შალიკაშვილთან ერთად გვირგვინით შეამკო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.