გარდაბნის მუნიციპალიტეტის სოფელ ვახტანგისში, ადგილობრივი ბიუჯეტის დაფინანსებით, 2.600 მეტრი სიგრძის შიდა გზის კეთილმოწყობა ხორციელდება. სამუშაოებს ტენდერში გამარჯვებული სამშენებლო კომპანია „სკინჩის“ ტექნიკური ჯგუფი ახორციელებს.
მიმდინარე სამუშაოებს პროექტის მონიტორინგის ფარგლებში გარდაბნის მუნიციპალიტეტის საკრებულოს თავმჯდომარე ტარიელ ჯანხოთელი, გარდაბნის მაჟორიტარი დეპუტატი სავალან მირზოევი, გარდაბნის მუნიციპალიტეტის მერი რამაზ ბუდაღაშვილი, მერის მოადგილე დუნიამალ გაჯიევი და ინფრასტრუქტურის, მშენებლობის და სივრცითი მოწყობის სამსახურის უფროსი ბექა ონიანი გაეცნენ.
საკრებულოს თავმჯდომარის განცხადებით, მნიშვნელოვანია მუნიციპალიტეტს ჰქონდეს გამართული საგზაო ინფრასტუქტურა, რაც გააუმჯობესებს მოსახლეობის შეუფერხებელ და უსაფრთხო გადაადგილებას.
ინფორმაციას გარდაბნის საკრებულოს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.