თბილისის მერმა, დავით ნარმანიამ მთავრობის წევრებს სტიქიის შედეგად მიყენებული ზიანის აღმოსაფხვრელად მითითებები მისცა.
როგორც დღეს დავით ნარმანიამ საგანგებოდ გამართულ თათბირზე განაცხადა, გუშინ დედაქალაქში საკმაოდ დიდი სტიქია იყო, რომელმაც დააზიანა სხვადასხვა უბანი.
"მადლობა ჩვენს სამსახურებს და საპატრულო პოლიციას, ყველა იმ უწყებას, რომელიც ჩვენთან ერთად ჩართულია ამ საკითხებში. ახლა უკვე ამინდი გამოკეთდა და ყველა არსებულ დაზიანებაზე, ყველა არსებულ პრობლემაზე დღეიდან უნდა ვიზრუნოთ. ვავალებ ზედამხედველობის სამსახურს, რაიონების გამგეობებთან ერთად, შესაბამისი სამსახურების მეშვეობით მიხედონ ამ საკითხებს. კეთილმოწყობის სამსახურს ევალება, რომ სანიაღვრე ქსელები და განსაკუთრებით დაზიანებული გზების მონაკვეთები, ასევე ქვაფენილები სწრაფ რეჟიმში აღადგინონ", - განაცხადა დავით ნარმანიამ.
მისივე თქმით, განსაკუთრებით დაზიანებულია მამადავითთან მისასვლელი გზა, ასევე - ვარაზისხევი. თბილისის მერიის მხრიდან, მათ შორის სანაპიროზე ჩასასვლელი ერთი მონაკვეთი, სადაც ძლიერი წვიმის შედეგად მოხდა დაზიანება.
"აქტიურად უნდა გავიტანოთ ჩამოშლილი კლდის ნაწილები შესაბამის ადგილებზე, რათა პრობლემები არ შეექმნათ. შეფერხებები ამ დროის მდგომარეობით ყველგან აღმოფხვრილია. რაიონულ გამგეობებს ევალებათ, რომ სადაც იყო პრობლემები, მაქსიმალურად გვერდით დაუდგნენ მოსახლეობას. "თბილსერვისჯგუფმა" და "სინათლის ქალაქმა" იმავე რეჟიმში გააგრძელოს მუშაობა, როგორც გუშინ ღამით და ასევე მოხდეს ზარალის დათვლა", - განაცხადა დავით ნარმანიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.