„მთავარი პროკურორის დღევანდელი გამოსვლა გარდა იმისა, რომ არის ცინიკური, არაფრისმომტანია, ის ნავთს ასხამს ცეცხლზე. ჩვენ ვიხილეთ რაღაც სამ პუნქტად ჩამოყალიბებული სამოსანის ტონალობაში მთავარი პროკურორის გამოსვლა, ასე აფასებს „ევროპული საქართველოს“ ერთ-ერთი ლიდერი გიგი უგულავა ხორავას ქუჩაზე მომხდარი მკვლელობის საქმეზე მთავარი პროკურორის მიერ გაკეთებულ განცხადებას.

უგულავა გამოსავალს პროკურატურის შემადგენლობის გადადგომასა და პარლამენტში დროებითი საგამოძიებო კომისიის შექმნაში ხედავს.

„ჩვენ გვყავს გარდაცვლილი, ჩვენ გვაქვს ტრაგედია, ამდენი ხნის გამოძიებისა და სასამართლოს შემდეგ, ჩვენ არ გვყავს მკვლელი..... უნდა გადადგეს პროკურატურის ეს შემადგენლობა", განაცხადა გიგი უგულავამ, რომელიც ხორავას ქუჩაზე მომხდარი მკვლელობის საქმეში უცხოელი პროკურორების ჩართვის შესახებ მთავარი პროკურორის განცხადებას გამოეხმაურა და აღნიშნა, რომ „პროკურატურის ეს შემადგენლობა, ვერანაირირ უცხოელი პროკურორების ჩამოყვანით სიტუაციას ვერ გამოასწორებს.....ფაქტი არის ერთი - აქ ბევრი რამ იმალება და როცა რაღაცები იმალება, როდესაც პოლიტიკა და პოლიტიკური დავალებაა ამ საქმეში ჩართული, შეუძლებელია, დედამიწის ზურგზე ვიპოვოთ პროკურორი, რომელიც ამას სწორად გამოიძიებს. იმიტომ, რომ არასწორად არის წარმართული სიტუაცია".