სომხეთის პრემიერ მინისტრი ნიკოლ ფაშინიანი ნინოწმინდის მუნიციპალიტეტს ესტუმრა.
ახლადარჩეულ პრემიერ მინისტრს ნინოწმინდა-ახალქალაქის მაჟორიტარმა დეპუტატმა, ენზელ მკოიანმა და ნინოწმინდის მერმა, ანივარდ მოსოიანმა უმასპინძლეს.
ნიკოლ ფაშიანიანმა შეხვედრა ეთნიკური უმცირესობების წარმომადგენლებთან გამართა. მან შეკრებილებს მიმართა და აღნიშნა, რომ საქართველოში წარმატებული შეხვედრები გამართა, რაც სომხეთის პრემიერის თქმით, ქართულ–სომხურ ურთიერთობებს კიდევ უფრო გააღრმავებს.
იგი ასევე იმყოფებოდა ნინოწმინდის მუნიციპალიტეტის სოფლებში – ფოკაში, განძაში, სათხაში.
ნინოწმინდის მუნიციპალიტეტიდან სომხეთის პრემიერი ახალქალაქში გაემგზავრა, სადაც საქართველოს საგარეო საქმეთა მინისტრთან ერთად, ერთობლივი შეხვედრა გამართა როგორც ადგილობრივ ხელისუფლებასთან, ასევე მოსახლეობასთან.
სომხეთის პრემიერ მინისტრი საქართველოში ორდღიან ვიზიტად მეუღლესთან ერთად იმყოფებოდა.
ფაშინიანმა შეხვედრები საქართველოს პრემიერ მინისტრსა და პრეზიდენტთან გამართა.
ფოტომასალას ნინოწმინდის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.