პარლამენტის შენობასთან ზაზა სალარიძის მხარდამჭერ აქციაზე ზვიად კუპრავამ განაცხადა, რომ ახმეტის მუნიციპალიტეტიდან, პანკისის ხეობიდან თბილისისკენ მომავალ მალხაზ მაჩალიკაშვილს გადაადგილების საშუალება შეუზღუდეს, თუმცა იგი, კუპრავას განცხადებით, მის თანასოფლელებთან ერთან მაინც მოემგზავრება თბილისის მიმართულებით.

როგორც მალხაზ მაჩალიკაშვილმა "რუსთავი 2"-ს სატელეფონო ჩართვისას განუცხადა, მას გადაადგილების საშუალება სავარაუდოდ, სუს-მა შეუზღუდა. 

აქციაზე, რიმელიც რუსთაველის გამზირზე დღეს საღამოს განახლდა, იმყოფებიან პოლიტიკოსები: „ერთიანი ნაციონალური მოძრაობის“ წარმომადგენლები: რომან გოცირიძე, ზაალ უდუმაშვილი, ასევე „ევროპული საქართველოს“ წევრი ირაკლი აბესაძე, „რესპუბლიკური პარტიის ერთ-ერთი ლიდერი თამარ კორძაია.

რომან გოცირიძე აცხადებს, რომ რომ მთავრობას საზოგადოებაში ნდობა სრულად აქვს დაკარგული და ქვეყანაში კრიზისია შექმნილი.

ზაალ უდუმაშვილის თქმით, ხალხი რუსთაველის გამზირზე იმიტომ დგას, რომ „სისტემას უპირისპირდება“. 

ამ წუთებში აქციაზე სიტყვით საქართველოს სხვადასხვა უმაღლესი სასწვლებლის სდუტენტები გამოდიან და სამართლიანობის აღდგენას ითხოვენ.

სტუდენტები აცხადებენ, რომ ისინი რუსთაველის გამზირზე არა პოლიტიკური მოტივებით, არამედ „უკეთესი საქართველოსთვის“ დგანან.  სამედიცინო უნივერსიტეტის ერთ-ერთმა სტუდენტმა განაცხადა, რომ უნდა დაისაჯონ მკვლელები და არა მხოლოდ ისინი, არამედ ისინიც, ვინც მათ მფარველობა გაუწია და დანაშაულის ჩადენის მტკიცებულებები გაანადგურა.