ვადამდელი საპარლამენტო არჩევნების დანიშვნას მოითხოვს „ლეიბორისტული პარტიის“ თავმჯდომარე შალვა ნათელაშვილი. იგი ამბობს, რო ამის საერთაშორისო პრაქტიკა არსებობს. მისი თქმით, თვითდაშლა სხვადასხვა პერიოდში, გამოაცხადა ისრაელმა, ჩეხეთმა, ხოლო „უნგეთის კონსტიტუაციაში პირდაპირ არის თვითდაშლის მექანიზმი“ ჩაწერილი.

„შეკრიბოს ივანიშვილმა თავისი გოგო-ბიჭები პარლამენტარების სახით და უთხრას, რომ არის დრო მოსვლისა და არის დრო წასვლისა. არის დრო ქვების შეგროვებისა და არის დრო ქვების სროლისა. არის დრო ზეობისა და არის დრო პასუხიმგებლობისა და და ეხლა დაახვიეთ და მიეცით ხმა საკუთარ თვითდაშლას და წადით. დაუძახოს მის მაფიოზა შალელაშვილს, ბიტკოინების მილიარდერს, დაუძახოს იმ წამლების მაფიოზ ოქრიაშვილს, ჩვენი სიცოცხლით რომ ვაჭრობს, დაუძახოს იმ კაზინოების მფლობელს, ისკო დასენს, დაუძახოს მთელ იმ მაფიას, ვინც იქ უზის და გააკეთოს თვითდაშლა. არც კარავი იქნება საჭირო, არც ხალხი შეწუხდება და თვითონაც ცოტა შეიმსუბუქებენ თავიანთ მდგომარეობას“, განაცხადა შალვა ნათელაშვილმა „რუსთავი 2“-ის ეთერში, „კვირის აქცენტებში“ პირდაპირი ჩართვისას.