ვანში, დილიდან წმინდა ნინოს მშობლების ზაბულონის და სოსანას სახელობის ტაძარში საზეიმო წირვა-ლოცვა აღავლინა ვანისა და ბაღდათის მიტროპოლიტმა ანტონმა,რომელსაც ვანის მუნიციპალიტეტის მერი ალექსანდრე გოგორიშვილი, მოადგილეებთან, ადგილობრივი ხელისუფლების წარმომადგენლებთან, მოწვეულ სტუმრებთან და მართლმადიდებელ მრევლთან ერთად დაესწრო.
სწორედ ტაძრის კურთხევის დღეს უკავშირდება „ვანელობის“ სახალხო დღესასწაული, რომელიც 2010 წლიდან ყოველწლიურად 2 ივნისს აღინიშნება. დღესასწაულის აღსანიშნავად მუნიციპალიტეტის მთელს ტერიტორიაზე სხვადასხვა სახის კულტურული და სპორტული აქტივობები გაიმართა.
დილიდან მოეწყო შეჯიბრებები მძლეოსნურ გარბენში, დღესვე გივი ყიფიანის სახელობის სკვერში გაიმართა შეჯიბრი ჭიდაობაში, ასევე ლევან გერსამიას სახელობის ვანის კულტურის ცენტრში ჩატარდა სამოყვარულო ტურნირი ჭადრაკში.
აქტივობებში მონაწილეებსა და გამარჯვებულებს მერიის კულტურის, განათლების, ტურიზმის და ახალგაზრდულ საქმეთა სამსახურის მიერ შესაბამისი სიგელები, მედლები და ფულადი ჯილდოები გადაეცათ.
მოგვიანებით, გივი ყიფიანის სახელობის სკვერში ადგილობრივი კოოპერატივების ტექნიკის და ნაწარმის გამოფენა მოეწყო, აქვე მუნიციპალიტეტის ადმინისტრაციული ერთეულების მიერ წარმოჩენილი იქნა ტრადიციული კუთხეები.
„მშვიდობის გორაზე“ ღია ცის ქვეშ მოწყობილ სცენაზე გაიმართა კონცერტი ადგილობრივი შემოქმედებითი ჯგუფების მონაწილეობით, რომელსაც ვანის და ხონის გაერთიანებული ოლქის მაჟორიტარი დეპუტატი გივი ჭიჭინაძე, ვანის მერი ალექსანდრე გოგორიშვილი, ვანისა და ბაღათის მიტროპოლიტი ანტონი, ადგილობრივი ხელისუფლების წრმომადგენლებთან და სხვა მოწვეულ სტუმრებთან ერთად დაესწრნენ.
ვანელობის აღნიშვნა მოგვიანებით, ქალაქის ცენტრში გაგრძელდა, სადაც სპეციალურად მოწყობილ სცენაზე, „საპატიო ვანელების“ დაჯილდოების ცერემონია გაიმართა.
ვანის მუნიციპალიტეტის განვითარებაში შეტანილი წვლილისთვის და სხვადასხვა დარგში ვანის სახელის წარმოჩენისთვის - მიხეილ ჯანელიძეს; გიორგი გიორგაძეს; ჯენერი კაპატაძეს; ვლადიმერ ადეიშვილს; გიორგი ძაგნიძეს და ზუგდიდისა და ცაიშის მიტროპოლიტ გერასიმეს „საპატიო ვანელის“ წოდება მიენიჭათ.
ვანელობის სახალხო დღესასწაულისადმი მიძღვნილი ღონისძიებები საღამოს ღია ცის ქვეშ გამართული კონცერტით დასრულდა, რომელშიც ადგილობრივ შემსრულებლებთან ერთად, ჯგუფი „რეზო და ბავშვები“ მონაწილეობდნენ.
ინფორმაციას და ფოტომასალას ვანის მუნიციპალიტეტის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.