„პოლიტიკური პარტიები, ხალხი, სტუდენტები, მოსწავლეები, გლეხი, ბერი, ყველა ერთად ვიბრძოლებთ და ყველა ერთად დავასრულებთ ამ ხელისუფლებას“, განაცხადა მალხაზ მაჩალიკაშვილმა რუსთაველის გამზირზე გაშლილ კარავში ოპოზიციური პოლიტიკური პარტიების ლიდერებთან შეხვედრის შემდეგ.

„რადგან ხელისუფლებაში იყო შეუძლებელი ჩვენი სიმართლის დამტკიცება, ჩვენი სიმართლის დადგენა, ჩვენი შვლების დამხვრეტების... (აქ, იქვე მდგომი გიორგი ვაშაძე, პოლიტიკური პლატფორმა „ახალი საქართველოს" თავმჯდომარე, ერთვება და ხმამაღლა აცხადებს: „ყველა ერთად ვართ და ვიბრძვით ბოლომდე, ეგ არის მთავარი გზავნილი“). „ჩვენ ერთად ვართ“, განაგრძო ამის შემდეგ ისევ მაჩალიკაშვილმა, „და ვიბრძვით გამარჯვებისათვის. პოლიტიკური პარტიები, ხალხი, სტუდენტები, მოსწავლეები, გლეხი, ბერი, ყველა ერთად ვიბრძოლებთ და ყველა ერთად დავასრულებთ ამ ხელისუფლებას“, განაცხადა პანკისის ხეობაში სუს-ის სპეცოპერაციის დროს საკუთარ სახლში დაჭრილი და მოგვიანებით საავადმყოფოში გარდაცვლილი თემირლან მაჩალიკაშვილის მამამ, მალხაზ მაჩალიკაშვილმა.