„ლეიბორისტული პარტიის“ თავმჯდომარე შალვა ნათელაშვილი აცხადებს, რომ კვირას, 10 ივნისს, დაგეგმილ „დიდ პოლიტიკურ მიტინგში“ მონაწილეობას მიიღებს, რადგან მიაჩნია, რომ „რეჟიმი დალპა და დამპალ რეჟიმს გატანა უნდა, თანაც მშვიდობიანი მეთოდებით“.

„შვილმკვდარი მამების ეს ტრაგიკული პრეცედენტი, რეჟიმის სიმახინჯის ერთ-ერთი სერიოზული გამოვლინებაა. მთლიანობაში რეჟიმი დალპა, დამპალ რეჟიმს უნდა გატანა და თანაც ისეთი მშვიდობიანი მეთოდებით, რომ სხვა სფეროები და საზოგადოება არ დავაზიანოთ. ამიტომ, პასუხისმგებლობა ეკისრება ყველა პოლიტიკურ პარტიას და ვინც აქ ვზივართ, ყველა თანახმა ვართ, რომ ჩატარდეს დიდი პოლიტიკური მიტინგი კვირას და არავინ უკან არ დავიხევთ აქედან. შესაბამისად, ეს პოლიტიკური პარტიების გადასაწყვეტია - ამ პროცესს შემოუერთდებიან, ნეიტრალურს დაიკავებენ, თუ უბრალოდ მიიღებენ მონაწილეობას, ამით არაფერი არ იცვლება იმ გაგებით, რომ ხალხის სურვილია, რეჟიმი შეიცვალოს“, განაცხადა შალვა ნათელაშვილმა „ლეიბორისტული პარტიის“ ოფისში ოპოზიციური პარტიების შეკრების დაწყებამდე.