„რაღაც საზღვარი ყველაფერს აქვს, მათ შორის პოლიტიკურ დემაგოგიასაც, ჩემს კოლეგებს მივმართავ „ერთიანი ნაციონალური მოძრაობიდან“, განაცხადა „ევროპული საქართველოს“ წევრმა, ოთარ კახიძემ პარლამენტის რიგგარეშე სხდომაზე, რომელზეც დეპუტატები ხორავას ქუჩაზე მომხდარი მკვლელობის შემსწავლელი დროებით საგამოძიებო კომისიის შექმნაზე მსჯელობენ.

საკანონმდებლო ორგანოში ხორავას ქუჩაზე მომხდარი მკვლელობის შემსწავლელი დროებით საგამოძიებო კომისია უნდა დაამტკიცონ. „ნაციონალური მოძრაობა“ კომისიის შექმნას მხარს არ უჭერს.

„არ შეიძლება ბიუროს სხდომაზე მხარი დაუჭირო კომისიის შექმნას და მერე თქვა, რომ ეს არის დროის გაწელვა, ეს არ შეიძლება. არ მესმის ასეთი ტიპის პოლიტიკური კონიუნქტურა. არ შეიძლება იმიტომ, რომ ყველას გვაქვს პასუხისმგებლობა ჩვენი ამომრჩევლის წინაშე, საზოგადოების წინაშე", განაცხადა ოთარ კახიძემ პარლამენტის რიგგარეშე სხდომაზე.