„ეროვნულ-დემოკრატიული პარტიის“ ლიდერი ბაჩუკი ქარდავა იმედს გამოხატავას, რომ საზოგადოების ის ნაწილი, რომელიც ფიქრობს, რომ დღეს ქვეყანაში „პოლიტიკური კრიზისია“ და რომ ხელისუფლებას „ეყო თავხედობა იმისა, რომ მკვლელებს იფარავს“, 10 ივნისს მათ მიერ დაგეგმილ აქციაზე მივა და ზაზა სარალიძის და მალხაზ მაჩალიკაშვილისადმი თანადგომას ამით გამოხატავას.

ქარდავამ მედიასთან კომენტარი მას შემდეგ გააკეთა, რაც „ლეიბორისტული პარტიის“, „ნაციონალური მოძრაობის“ და სხვა ოპოზიციური ძალების მორიგი შეხვედრა დასრულდა და გადაწყდა, რომ 10 ივნისს 16:00 საათზე, თბილისში, პარლამენტის შენობასთან, ზაზა სარალიძის და მალხაზ მაჩალიკაშვლის მხარდამჭერი აქციის ორგანიზატორი შალვა ნათელაშვილი და მისი „ლეიბორისტული პარტია“ იქნება.

„ჩვენი მთავარი ამოცანა არის შვილმოკლული მამების გვერდში დგომა. ჩვენ ვითხოვთ ხელისუფლებისაგან მკვლელების და მათი დამფარავების დასჯას. ჩვენ გვერდში ვუდგავართ ზაზა სარალიძეს და მაჩალიკაშვილს და იმედი გვაქვს, რომ საზოგადოება და ყველა, ვისაც გული სტკივა იმასთან დაკავშირებით რაც ხდება დღეს ქვეყანაში, რომ არის ფაქტობრივად პოლიტიკური კრიზისი, რომ ხელისუფლებას ეყო თავხედობა იმისა, რომ მკვლელებს იფარავს, აი, ეს უნდა დასრულდეს ერთხელ და სამუდამოდ“, განაცხადა ბაჩუკი ქარდავამ.