სანქციები რუსეთის განვითარების შესაჩერებლად არის გამოყენებული, რადგან რუსეთს კონკურენტად აღიქვამენ, განაცხადა რუსეთის პრეზიდენტმა ვლადიმერ პუტინმა პირდაპირ ეთერში მოქალაქეებისთვის შეკითხვებზე პასუხის გაცემისას.

„ჩვენ ვუყურებთ, რომ პოლიტიკურ დონეზე უკვე ბევრი ქვეყანა აცხადებს, რომ რუსეთთან ნორმალური ურთიერთობები სურს“, თქვა პუტინმა და დაამატა:

„ჩვენ უნდა დავიცათ ჩვენი ინტერსები, ეკონომიკის სფეროში, უსაფრთხოების სფეროში. ჩვენ ამას ვაკეთებდით და გავაკეთებთ. კონტრპროდუქტიული და საზიანოა რუსეთთან კონფრონტაცია“.

პუტინმა შეკითხვაზე - „იქნება თუ არა მესამე მსოფლიო ომი?“ - უპასუხა, რომ მსოფლიო ლიდერების მხრიდან იმის გაცნობიერება, რომ ეს კატასტროფას გამოიწვევს, აიძულებს მსოფლიო სახელმწიფოებს არ გადადგან ეს ნაბიჯი.

მან ამაზე აინშტაინის ციტატით უპასუხა: „მე არ ვიცი როგორი იარაღით იქნება წარმოებული მესამე მსოფლიო ომი, მაგრამ მეოთხე - ჯოხებით და ქვებით“, განაცხადა პუტინმა.

„მე-2 მსოფლიო ომის შემდეეგ ვცხოვრობთ გლობალური მშვიდობის პირობებში. მე ვგულისხმობ იმას, რომ გლობალური კონფლიქტები არ ყოფილა, თუ არ ჩავთვლით ერაყს და სხვა ლოკალურ კერებს.

მეორე მსოფლიო ომის შემდეგ, შიში თვითგანადგურების, აკავებდა მსოფლიო სახელმწიფოებს ამგვარი ნაბიჯის გადადგმისკენ“.

„იმის გაცნობიერებამ, რომ მესამე მსოფლიო ომი შესაძლოა ცივილიზაციის დასასრული იყოს, უნდა შეგვზღუდოს ჩვენ საერთაშორისო არენაზე უკიდურესი ნაბიჯების გადადგმისაგან, რომელიც უაღრესად სახიფათოა თანამედროვე ცივილიზაციისათვის.

„საერთო განადგურების საფრთხე ყოველთვის ზღუდავდა მონაწილეებს საერთაშორისო არენაზე, წამყვან სამხედრო სახელმწიფოებებს არ აძლევდა ნაჩქარევი ნაბიჯების გადადგმის საშუალებას და აიძულებდა მონაწილეებს პატივი ეცათ ერთმანეთისთვის. შეერთებული შტატების ანტი-ბალისტიკური სარაკეტო ხელშეკრულებებიდან გამოსვლა არის იმის მცდელობა, რომ დასრულდეს სტრატეგიული პარიტეტი, მაგრამ ჩვენ ამას პასუხს გავცემთ“, განაცხადა პუტინმა, რომელიც ერთ საათზე მეტია პირდაპირ ეთერში მოქალაქეების შეკითხვებს პასუხობს.