ონის მუნიციპალიტეტის მერმა ემზარ საბანაძემ, საკრებულოს თავმჯდომარის მოადგილემ, ბაჩანა მარკოიშვილმა და მერის წარმომადგენელმა კომანდელის ადმინისტრაციულ ერთეულში, ნუგზარ გამყრელიძემ სოფელ ხირხონისთან სასარგებლო წიაღისეულის (თაბაშირი) მომპოვებელი სამუშაოების მოსამზადებელი პროცესი მოინახულეს.
ონის მერიის პრესსამსახურის მიერ გავრცელებული ინფორმაციის თანახმად, ადგილზე გამოიკვეთა მთელი რიგი დარღვევები, რაც ადგილობრივ მოსახლეობას სერიოზულ პრობლემებს უქმნის.
„დაზიანებულია სასმელი წყლის ნაგებობა, მეწარმის მიერ გაკეთებული ალტერნატიული წყალი სასმელად უვარგისია, ადგილზე გაჩეხილია საკმაოდ დიდი რაოდენობის ხე-ტყე, დაზიანებულია გზა და გააქტურებულია მეწყერული პროცესები.
ლიცენზია თაბაშირის მოპოვებაზე 2016 წელს არის გაცემული. აღნიშნული სამუშაოების გაგრძელების საკითხი სპეციალისტების დასკვნის შემდეგ გადაწყდება", აღნიშნულია ონის მერიის პრესსამსახურის ინფორმაციაში.
მუნიციპალიტეტის მერი ადგილობრივებს შეხვდა და სოფლებში არსებულ ვითარებას გაეცნო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.