„სისტემა, რომელიც შექმნა ოლიგარქმა, უკვე ლპება, ის გადადის თავდაცვით რეჟიმში და ამ რეჟიმში ის ძალიან სახიფათოა, აღნიშნული განცხადება პარლამენტის წინ მიმდინარე აქციაზე „ეროვნულ-დემოკრატიული პარტიის“ ლიდერმა, ბაჩუკი ქარდავამ გააკეთა.
ქარდავა აცხადებს, რომ საზოგადოებრივი პროტესტი გარკვეულ პოლიტიკურ ნაბიჯებამდე უნდა მივიდეს. მისი თქმით, გენერალური პროკურორის „ბარტყის სახით გადმოგდება" საკმარისი არ არის და აუცილებელია, იუსტიციის მინისტრის გადადგომა.
„მე პირადად, როგორც ერთ ადამიანს და პოლიტიკოსს, არ მჯერა, რომ კაბინეტებში შესაძლებელია იმ პრობლემის მოგვარება, რომლის სათავეც არის ოლიგარქი და მილიარდერი ბიძინა ივანიშვილი. ის მართავს ყველაფერს. ამ ქვეყანაში ვერც ერთი სისტემა ვერ მუშაობს. საპარლამენტო ცხოვრებაში, სადაც საკონსტიტუციო უმრავლესობა ამ ადამიანს ჯიბეში ჰყავს, არ მჯერა, რომ იქ რაღაც კომისიამ რეალურ შედეგს მიაღწიოს, თუმცა, ნამდვილად ვისურვებდი რომ ეს ასე მომხდარიყო. მინდა იცოდეს ყველამ, რომ მხოლოდ საზოგადოებრივი პროტესტი ქუჩაში, რომელიც ახლა მიმდინარეობს და ეს არ არის პოლიტიკური პარტიების მიერ ორგანიზებული და პოლიტიკოსების მიერ ორგანიზებული, ეს არის ზაზა სარალიძის მხარდასაჭერად გამოსული ხალხი და მე, როგორც ერთ-ერთი მოქალაქე - მე პირადად, ვდგავარ დღეს ზაზას გვერდში", განუცხადა „რუსთავი 2"-ს ბაჩუკი ქარდავამ.
რუსთაველის გამზირზე, პარლამენტის შენობის წინ ზაზა სარალიძის მხარდამჭერი აქცია მიმდინარეობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.