თბილისის მერი, „ქართული ოცნების“ გენერალური მდივანი, კახა კალაძე აცხადებს, რომ გუნდში საპრეზიდენტო კანდიდატურასთან დაკავშირებით განხილვები რამდენჯერმე გაიმართა, თუმცა საბოლო გადაწყვეტილება ჯერ არ არის მიღებული და მთავრობის დამტკიცების შემდეგ საზოგადოება „ძალიან მალე“ გაიგებს მმართველი პარტიის საპრეზიდენტო კანდიდატის ვინაობას.

„რამოდენიმეჯერ იყო გუნდში მსჯელობა საპრეზიდენტო კანდიდატურასთან დაკავშირებით . ჯერ გადაწყვეტლება მიღებული არ არის... რამდენიმე კანდიდატურა განიხილებოდა და ჩვენ აუცილებლად დავუბრუნდებით, როგორც კი მოხდება მთავრობის დამტკიცება პარლამენტში, აუცილებლად დავუბრუნდებით ამ საკითხს, განახლდება გუნდში მსჯელობა და უახლოეს მომავალში გადაწყვეტილება იქნება მიღებული და ის ვადები, რომელიც კანონით არის მოცემული, ჩვენ არავითარ შემთხვევაში არ დავარღვევთ და ჩვენი მხრიდან იქნება წარმოდგენილი საპრეზიდენტო კანდიდატურა. თუ ვინ იქნება, ეს ძალიან მალე გახდება ცნობილი საზოგადოებისათვის“, განაცხადა კახა კალაძემ ტელეკომპანია „იმედის“ პირდაპირ ეთერში საუბრისას.